د فوټبال په نړیوال جام کې ایران له انګلستان ۶ پر ۲ ماته وخوړه.

ياده لوپه په نړیوال جام کې د ایران تر ټولو بده پایله ګڼل کېږي .
د فوټبال په نړیوال جام کې پرون یوه له ناندریو او پېښو ډکه لوبه وشوه.
د انګلستان د فوټبال د ملي ټیم غړو د ایراني مظاهره چیانو سره د خواخوږي د څرګندولو په پار د لوبې تر پیل مخکې په ځمکه یو زنګون وواهه او خپل درناوی یې وښود.
په وروستیو څو اونیو کې ګڼو ایراني ورزشکارانو د ملي سرود د غږېدو پر مهال په غلي پاتې کېدو سره په یو ډول د حکومت د هغو ځپونکو اقداماتو په وړاندې خپل غبرګون ښکاره کړی چې د مظاهره چیانو په وړاندې یې ترسره کوي.
له ایران دننه او د نړۍ له ګوټ ګوټ څخه په زرګونو ایرانیان چې قطر ته تللي وو د ایران د سرود د خپرېدو پر مهال شورماشور وکړ او د نظام ضد شعارونه یې ورکړل.
د ایران د حکومت ځینو ملاتړو هم په لوبغالي کې حضور درلود او ناخوښي وو.
د ایران او انګلستان تر منځ لوبه د دوحې په خلیفه نړیوال سټډيوم کې وشوه.
لوبه تر هغه وروسته د ایران له لاسه ووتله چې د دوی اصلی ګول کیپر علیرضا بیرانوند له بل ایراني لوبغاړي مجیدحسیني سره ولګېد او پوزه یې ماته شوه.
دی په ناچارۍ له لوبغالي وایستل شو او ځای یې دویم ګول کیپر حسین حسیني ونیوه.
د حسیني په راتلو سره د ایران دروازه خلاصه شوه او د لوبې تر پایه یې شپږ ګولونه وخوړل.
د ایران ټیم بیا یواځې دوه ګولونه ترسره کړل.
تر دې مخکې یې هېڅکله په نړیوال جام کې شپږ ګولونه نه دي خوړلي.

Translate »
%d bloggers like this: