ا.ا.ا: افغانستان ته د بې کیفیته نفتي توکو واردولو مخه نیسو

د افغانستان د سوداګرۍ او پانګونې خونه وايي، د بې کيفيته او غير معياري تېلو او ګازو د وارداتو مخه نیسي.
د دغې خونې چارواکو تېره ورځ ناوخته په کابل کې د تېلو او ګازو واردونکو ټولنې له استازو سره په ناسته کې ټينګار کړی، چې د نورم او سټنډرډ ادارې په همکارۍ سره به له دې وروسته د بې کيفيته تېلو او ګازو د واردولو مخه نيسي.
دغې خونې د يوې خبر پاڼې په خپرولو سره ويلي، دواړو خواو هوکړه وکړه چې د خلکو اړتياو ته په کتو سره به باکيفيته نفتي مواد افغانستان ته واردېږي او په دې برخه کې به د غير قانوني کړونو مخه نیول کېږي.
دا په داسې حال کې ده، چې له دې وړاندې د طالبانو حکومت له ازبکستان سره د تېلو او ګازو د وارداتو په برخه کې هوکړه کړې وه.
دا په داسې حال کې ده چې په دې وروستیو کې په افغانستان کې د نفتي موادو بيې د پام وړ لوړې شوي.

%d bloggers like this: