د بريتانيا: اسلامې امارت ۵ برتانوي وګړي خوشې کړي

د بریتانیا حکومت ویلي، چې پنځه تنه اتباع یې په افغانستان کې له توقیفه ازاد شوي دي.

د بریتانیا د بهرنیو چارو، ټولګټو او پراختیا ادارې یوه ویاند ویلي: “دوی د افغانستان د اوسنۍ ادارې له خوا د دغو کسانو د خوشې کېدو هرکلی او مننه کوي.”

د دغې ادارې له خوا خپره شوې خبرپاڼه کې راغلي، چې توقیف شویو کسانو د بریتانیا حکومت کې دنده نه درلوده او د بریتانیا د سفر د سپارښتنو له پاملرنې پرته یې افغانستان ته سفر کړی دی.

د بریتانیا حکومت ویلي، که دغو اتباعو یې د افغانستان کوم دود دستور یا قانون مات کړی وي، دوی یې په تړاو بښنه غواړي.

معلومه نه ده، چې دغه بریتانوي اتباع څه وخت، چېرته او څه ډول توقیف شوي وو.

طالبانو هم تراوسه په دې اړه څه نه دي ویلي.

 

%d bloggers like this: