په هند کې د افغانستان سفیر وايي، تر څه باندې څلورو میاشتو وروسته افغانستان ته د هند مرسته شوو غنمو د انتقال بهیر پيل شو.

په هند کې د افغانستان سفیر فرید ماموندزی وايي، تر څه باندې څلورو میاشتو وروسته افغانستان ته د هند مرسته شوو غنمو د انتقال بهیر پيل شو.
فرید ماموندزی وایي چې له هند څخه افغانستان ته په ۵۰ لاریو کې د ۵۰ زره میټریکه ټنو غنمو د انتقال لړۍ پيل شوه.
په افغانستان کې د نظام تر بدلون وروسته د اقتصادي بحران په رامنځته کېدو سره هند په بېلابېلو برخو کې له افغانستان سره بشري مرستې کړي دي.
په هند کې د افغانستان سفیر فرید ماموندزی وايي، تر څه باندې څلورو میاشتو وروسته افغانستان ته د هند مرسته شوو غنمو د انتقال بهیر پيل شو.
ماموندزي سې شنبه پر خپل ټویټر پاڼه لیکلي چې نن له هند څخه افغانستان ته په ۵۰ لاریو کې د ۵۰ زره میټریکه ټنو غنمو د انتقال لړۍ پيل شوه.
نوموړي پر خپل ټویټر پاڼه لیکلي په داسې حال کې چې څه باندې ۲۰ میلیون افغانان له اقتصادي بحران سره مخ دي، نوموړي له افغانستان سره د هند سخاوتمندانه مرستې مننه کړې ده.
ټاکل شوې له افغانستان سره د هند مرسته شوي غنم او بېړني درمل د واګه بندر له لارې د افغانستان په لاریو کې تورخم ته انتقال شي. تر څو په دغه هیواد کې اړمنو خلکو ته ورسیږي.
د پاکستان کابینې د تیرې نومبر میاشتې پر ۲۳مه هند ته اجازه ورکړه څو ددغه هیواد له خاورې افغانستان ته د غنمو د لیږد لپاره کار واخلي. خو ویل کیږي چې د پاکستان لخوا دغه بهیر ځنډول شوی و.
پاکستان د کلونو راهیسې له افغانستان سره د هند هر ډول تجارتي او ترانزیتي اتصال رد کړی دی. له هغه وخته چې پاکستان په ۱۹۴۷ کال کې له هند څخه جلا شو، دواړو ګاونډیو هیوادونو درې ځله جګړه کړې ده.
په افغانستان کې د نظام تر بدلون وروسته د اقتصادي بحران په رامنځته کېدو سره هند په بېلابېلو برخو کې له افغانستان سره بشري مرستې کړي دي.
له دغه هیواد سره د تازه مرستو په دوام روانه اونۍ دهند څه باندې ۲ټنه درمل او البسه کابل ته ورسېده.

https://www.pashtovoa.com/a/he-first-convoy-of-50-trucks-will-start-the-delivery-of-50-000-metric-tons-of-wheat-from-to-today/6453521.html