اروپايي ټولنې افغان ښوونکو ته د ۵۰ ميليونه يورو بېړنۍ مرستې ورکولو اعلان کړی
روپايي ټولنې د افغان ښونکو د وضعيت ښه کولو په موخه د ۵۰ ميليونو يورو چې شاوخوا ۵۷ ميليونه ډالر کېږي، مرستې ژمنه کړې ده. دغه مرستې اعلان د ملګرو ملتونو د سرمنشي ځانګړې استازې ډيبورا لاينز د طالبانو د لومړي وزیر له مرستیال مولوي عبدالکبیر سره د لیدو پر مهال شوی دی.
دغه ۵۰ میليونه يورو به د یونیسف له لارې د افغانستان په دولتي ښوونځیو کې ښوونکو ته ورکړل شي. دا مرسته د هغو ۳۰۰ میلیون یورو یوه برخه ده چې اروپايي ټولنې په افغانستان کې د اړمنو خلکو لاسنيوي، د روغتیا او پوهنې په بېلابېلو پروژو کې يې د لګولو ژمنه کړې ده.